Watu 12 wafari katika ziwa Victoria mwanza

Watu takribani 12 wamefariki dunia na wengine watatu wamejeruhiwa mkoani Mwanza baada ya basi dogo la abiria walilokuwa wakisafiria kuacha barabara ya kutumbukia katika Ziwa Victoria mapema leo asubuhi.

Kamanda wa Polisi Mkoa wa Mwanza, Ahmed Msangi amethibitisha kutokea kwa tukio hilo ambalo ameeleza limetokea leo Oktoba 9 katika eneo la Kigogo feri, wilayani Misungwi.

Kamanda Msangi amesema kuwa gari hilo la abiria lilikuwa likienda jijini Mwanza kutokea Sengerema.

Aidha, ameeleza kwamba, watu wengine wawili waliokuwamo ndani ya gari hilo hawajulikani walipo na kwamba Polisi wanaendelea kuwatafuta.